موٹروے پولیس نے گھر سے ناراض ہو کر جانیوالی بچیوں کو والدین سے ملا دیا 

حسن ابدال(تحصیل رپورٹر ڈیلی اٹک نیوز ) موٹروے پولیس نے گھر سے ناراض ہو کر جانے والی دو بچیوں کو والدین سے ملا دیا 

تفصیلات کے مطابق موٹروے پر صوابی کے قریب دوران پٹرولنگ انسپکٹر اختر حسین اور سب انسپکٹر علی عمران نے 2 بچیوں کو پریشان حال دیکھا جن کی عمر

لگ بھگ 12 اور 13 سال تھی افسران کے تفتیش کرنے پر پتہ چلا کہ دونوں بچیاں والدین کی ڈانٹ ڈپٹ کی وجہ سے ناراض ہو کر گھر چھوڑ کر چلی گئی تھیں ۔
اب وہ واپس گھر جانا چاہتی ہیں لیکن گھر کا پتہ معلوم نہیں اس صورت حال میں موٹروے پولیس نے مختلف ذرائع سے معلومات جمع کرنی شروع کیں اور بچیوں کے 

گھر کا پتہ لگوا کر ان کے والد سے رابطہ کیا اور بچیوں کو بحفاظت گھر والوں کے حوالے کر دیا ۔