نیا کرایہ نامہ جاری ۔۔لیکن پبلک ٹرانسپورٹ کے کرائے کم نہ ہو سکے

جنڈ( ظفر اقبال سے/ ڈیلی اٹک نیوز ) پٹرول کی قیمتیں تین مرتبہ کم ہونے کے باوجود پبلک ٹرانسپورٹ کے کرائے کم نہ ہوئے ،ٹرانسپورٹروں کی جانب سے ضلعی انتظامیہ کی طرف سے جاری کردہ کرایہ نامے نظر انداز۔ 

سیکرٹری ڈسٹرکٹ ریجنل ٹرانسپورٹ اٹک کی جانب سے پچھلے ماہ جاری کئے جانے والی کرایہ نامہ لسٹ کے مطابق جنڈ سے راولپنڈی کرایہ ایک سو سولہ روپے بنتا ہے لیکن دوسو روپے لئے جارہے ۔ہیں یہی صورت حال جنڈ سے اٹک جنڈ سے کوہاٹ ،جنڈ سے مکھڈ کی ہے تحصیل بھرمیں چلنے والے لوکل ٹرانسپورٹر زنے بھی اپنے کرائے کم نہیں کئے حالانکہ کرایہ نامہ جاری ہونے کے بعد حالیہ دنوں میںایک مرتبہ پھر تیل کی قیمتوں میں کمی کی گئی لیکن ٹرانسپورٹ کے کرائے کم نہ ہوسکے ۔

علاقہ عوام نے آر ٹی سیکرٹری اور ڈپٹی کمشنر اٹک علی عنان قمر سے مطالبہ کیا ہے کہ ٹرانسپورٹرز کو کرایہ نامہ گاڑیوں کے اندر آویزاں کرنے اور اس پر عمل درآمد کروانے کا پابند بنایا جائے تا کہ عوام کو کرایوں کی مد میں ریلیف مل سکے۔