پلندری،راولاکوٹ،مظفرآباد میں ڈسٹرکٹ کورٹس کے سپرنٹنڈنٹ تبدیل

مظفرآباد(وقائع نگار)چیف جسٹس عدالت العالیہ آزاد جموں وکشمیر ایم تبسم آفتاب علوی نے مفاد عدلیہ اور انتظامی امور کی بہترانجام دہی کیلئے ماتحت عدلیہ ضلع مظفرآباد ، ضلع پونچھ  راولاکوٹ، ضلع سدھنوتی  پلندری میں تعینات سپرنٹنڈنٹ کے تبادلہ جات کی منظوری صادر فرمائی ہے ۔ جس کی رو سے الطاف قادر نگران عدالت ڈسٹرکٹ و سیشن جج سدہنوتی کو تبدیل کر کے نگران عدالت ڈسٹرکٹ و سیشن جج پونچھ راولاکوٹ، کمال خان نگران عدالت ڈسٹرکٹ و سیشن جج پونچھ کو تبدیل کر کے نگران ڈسٹرکٹ و سیشن جج مظفرآباد ،مشتاق احمد بٹ نگران عدالت ڈسٹرکٹ و سیشن جج مظفر آباد کو تبدیل کر کے نگران ڈسٹرکٹ وسیشن جج سدہنوتی تعینات کیا جاتا ہے ۔