جنڈ، زمین کا تنازعہ،گڑدی میں 4 افراد قتل

کافی دیر تک فائرنگ کا سلسلہ جاری رہا، جاں بحق ہونے والوں میں باپ ، بیٹا ، والدہ اور چچا شامل ہیں، ،پولیس موقع پر پہنچ گئی

 جنڈ(صدیق فخر سے) تحصیل جنڈ کی یونین کونسل دکھنیر تھانہ انجراء کی حددود  گائوں گڑدی میں زمین کے تنازعہ پر 4 افراد کے قتل،  ذرائع کے مطابق تحصیل جنڈ کی یونین کونسل دکھنیر کے گائوں گڑدی میں زمین کے تنازعہ پر چار افراد کو قتل کر دیا گیا، جاں بحق ہونے والوں میں باپ (نسیم) ، بیٹا(ایوب) ، والدہ(شمع پروین)  اور چچا(عزیز)  شامل ہیں۔

ذرائع کا کہنا ہے کہ فریقین میں زمین کا تنازعہ چل رہا تھا۔ذرائع کا کہنا ہے کہ کافی دیر تک فائرنگ ہوتی رہی۔  ذرائع کے مطابق جاں بحق ہونے والوں میں ایوب، اس کا والد نسیم ، اس کی والدہ اور اس کا چچا عزیز بتائے جاتے ہیں۔
 

تازہ ترین ملنے والی تفصیلات کے مطابق 
درختوں اور اراضی کے تنازعہ پر گاؤں گڑدی علاقہ تھانہ انجراء میں عورت سمیت 4 افراد کے قتل کی لرزہ خیز واردات ،ڈی پی او اٹک سید خالد ہمدانی، ڈی ایس پی جنڈ اور ایس ایچ او انجراء کے ہمراہ موقع پر پہنچ گئے  تفصیلات کے مطابق تحصیل جنڈ کے گاؤں گڑدی میں دو پارٹیوں جو کہ آپس میں قریبی رشتہ دار ہیں کے درمیان درختوں اور اراضی کے تنازعہ پر مسلح تصادم ہوا جس کے نتیجے میں ماں ، بیٹا ،والد اور چچا سمیت 4 افراد قتل ہو گئے جن کی شناخت،نسیم گل ولد سپین گل،عزیز گل ولد سپین گل، محمد ایوب ولد نسیم گل،مسمات شمع پروین زوجہ نسیم گل اقوام پٹھان سکنہائے گڑدی تحصیل جنڈ ضلع اٹک کے ناموں سے ہوئی ہے ۔ ڈسٹرکٹ پولیس آفیسر اٹک سید خالد ہمدانی اطلاع وقوعہ ملتے ہی ڈی ایس پی جنڈ اور ایس ایچ او انجراء اور بھاری نفری کے ہمراہ جائے وقوعہ پر پہنچ گئے ۔ مقتولین کی نعش ہائے بغرض پوسٹمارٹم THQ ہسپتال جنڈ بجھوایا گیا ۔موقع پر شواہد اکھٹے کرنے کے لیے کرائم سین یونٹ کو طلب کیا گیا ۔ ڈی پی اوا ٹک سید خالد ہمدانی نے مقتولین کے ورثا ء سے ملاقات کر کے ملزمان کی فوری گرفتار ی اور انصاف کی فراہمی کی یقین دہانی کرائی اور کہا ملزمان کی گرفتاری کے لیے پولیس ٹیمیں چھاپے مار رہی ہیں ۔ جلد ہی ملزمان کو گرفتار کر کے کیفر کردار تک پہنچایا جائے گا ۔