کرونا وائرس ،راولپنڈی میں ڈھوک کشمیریاں، مجسٹریٹ کالونی اور ڈھوک پراچہ کومکمل سیل 

کرونا وائرس ،راولپنڈی میں ڈھوک کشمیریاں، مجسٹریٹ کالونی اور ڈھوک پراچہ کومکمل سیل 

راولپنڈی(آن لائن)راولپنڈی کی ضلعی انتظامیہ اور پولیس نے کورونا وائرس کے پھیلاؤ کے پیش نظراور متعدد کیس سامنے آنے پر

 صادق آباد کے علاقے ، ڈھوک کشمیریاں، مجسٹریٹ کالونی اور ڈھوک پراچہ کومکمل سیل کر دیا ہے اس موقع پر ایس پی راول ڈویڑن رائے مظہر اقبال کی سربراہی میں پولیس کی بھاری نفری موقع پر پہنچ گئی اور تمام علاقے میں ہر قسم کی نقل و حرکت بند کروا دی گئی مذکورہ یونین کونسلوں کے تمام داخلی راستوں پر رینجرز اور پولیس تعینات کر دی گئی جبکہ پولیس کی جانب سے علاقے کی مساجد میں بھی میں اعلانات کے ذریعے

 

 

شہریوں کو گھروں میں رہنے کی ہدایت کی گئی اور خبردار کیا گیا کہ خلاف ورزی کرنے والوں کے خلاف قانونی کاروائی کی جائے گی ان سیل کئے گئے علاقوں میں جراثیم کش اسپرے اور صفائی کا عمل شروع کر دیا گیا ہے ایس پی راول نے پولیس افسران کو ہدایات جاری کرتے ہوئے کہا کہ راولپنڈی پولیس کورونا کے پھیلاؤ کو روکنے کے لئے فرنٹ لائن فورس کا کردار ادا کر رہی ہے اور ہمیں اس فریضہ کو انتہائی حوصلہ سے سرانجام دینا ہے،انہوں نے کہا کہ پولیس افسران شہریوں سے خوش اخلاقی اور تحمل سے پیش آئیں اور انہیں گھروں میں رہنے کی تلقین کریں،پولیس نے سیل شدہ علاقوں میں فوری طور پر پکٹنگ کر کے تمام آمدورفت کو مکمل طور پر بند کر دیا،اس دوران پولیس موبائل اور مساجد سے شہریوں کو گھروں میں رہنے اور احتیاطی تدابیر اپنانے کی تلقین کی گئی،شہری غیر ضروری نقل و حرکت سے پرہیز کریں ماسک اور گلوز کا استعمال یقینی بنائیں اور غیر ضروری میل جول سے پرہیز کریں، پولیس نے موبائل سے اعلانات کر کے علاقہ مکینوں کو ہدایات جاری کی،راوگھرلپنڈی پولیس جرائم کی بیخ کنی کے ساتھ ساتھ کورونا کے پھیلاؤ کو روکنے کے لئے بھی تمام تر وسائل بروئے کارلا رہی ہے۔