کاشتکاروں کے نقصانات کا جائزہ لیکر مکمل ازالہ کیا جائیگا،کرنل(ر) انور

فتح جنگ/ پنڈی گھیب(تحصیل رپورٹر ڈیلی اٹک نیوز) فتح جنگ اور پنڈ گھیب کے نواحی علاقوں میں طوفانی بارش اور ژالہ باری کے سبب فصلوں کو نقصان پہنچنے پر صوبائی وزیر مال پنجاب کرنل(ر) ملک محمد انور کا فوری ایکشن

محکمہ مال کے عملے کونقصانات کا جائزہ اور تخمینہ لگانے کی ہدایت،تفصیلات کے مطابق گزشتہ روز فتح جنگ اور پنڈی گھیب کے نواحی علاقوں میں طوفانی بارش اور ژالہ باری ہوئی جس کی وجہ سے فصلوں کو شدید نقصان پہنچا جس کا علم ہوتے ہی صوبائی وزیر کرنل(ر) ملک محمدانورنے فوری طور پر ایکشن لیتے ہوئے محکمہ مال کے عملے کو کسانوں کے نقصان کا جائزہ اور تخمینہ لگانے کے احکامات جاری کر دیئے تاکہ کسانوں کے نقصان کا جائزہ لیکر ان کا ازالہ کیا جا سکے۔ 

اس موقع پر صوبائی وزیر کرنل(ر) ملک محمد انور کا کہنا تھا کہ کاشت کاروں کے نقصانات کا جائزہ لیکر مکمل ازالہ کیا جائے گا۔پنجاب حکومت عوام کی خدمت میں پیش پیش ہے، عوام کے ہر طرح کے مسائل ان کی دہلیز پر حل کرنے کیلئے کوشاں ہیں۔