وزیر اعلیٰ پنجاب اٹک کی عوام کیساتھ ہونیوالی نا انصافیوں کا فوری نوٹس لیں، رانا افسر علی 

اٹک ( ڈیلی اٹک نیوز ) ڈی جی پنجاب بیت المال اور چیئرمین پبلک اکائونٹس کمیٹی ٹو پنجاب یاور بخاری کو بار بار تحریری ، ٹیلی فونک اور زبانی یاد دہانی کروانے کے باوجود تمام کوشش بے سود ثابت

 وزیر اعلیٰ پنجاب عثمان بزدار اٹک کے عوام کے ساتھ ہونے والی نا انصافیوں کا فوری نوٹس لیں یہ بات چیئرمین پنجاب بیت المال ضلع اٹک رانا افسر علی خان ایڈووکیٹ نے میڈیا سے بات چیت کرتے ہوئے کہی

انہوں نے کہا کہ پنجاب حکومت اور پنجاب بیت المال کے افسران نہایت بے حس ہیں اور ضلع اٹک میں غریبوں کی امداد کرنے میں رکاوٹ اور نابلد ثابت ہوئے ہیں

 گزشتہ 5 ماہ سے چیئرمین اور بیت المال کمیٹی کی نامزدگی کے باوجود عملہ بیت المال کے نہ ہونے کی وجہ سے بیت المال سے غریبوں کی امداد کا کام شروع نہ ہو سکا لوگ پریشان ہیں انہوں نے وزیر اعلیٰ پنجاب عثمان بزدار سے اس نا اہلی اور بے حسی کا نوٹس لینے کا مطالبہ کرتے ہوئے ذمہ داران کے خلاف کاروائی کا مطالبہ کیا ہے ۔