پاکستان تحریک انصاف ضلع اٹک کی تنظیم نو، نوٹیفکیشن جاری 

قاضی احمد اکبر صدر، رانا لیاقت سینئر نائب صدر، ملک نوید ضلعی جنرل سیکرٹری پاکستان تحریک انصاف اٹک مقرر

اٹک(صدیق فخر سے) پاکستان تحریک انصاف ضلع اٹک کی تنظیم نو،قاضی احمد اکبر دوسری مرتبہ پاکستان تحریک انصاف ضلع اٹک کے صدر مقرر،رانا محمد لیاقت سینئر نائب صدر جبکہ ملک نویدجنرل سیکرٹری ضلع اٹک تفصیلات کے مطابق تحریک انصاف ضلع اٹک کی تنظیم نو کر دی گئی جس کا باقاعدہ نوٹیفکیشن جنرل سیکرٹری ڈاکٹرحسن مسعود ملک نے جاری کر دیا۔ نوٹیفکیشن کے مطابق قاضی احمد اکبرکو دوبارہ ضلع اٹک تحریک انصاف کا صدر مقرر کر دیا گیا جبکہ اٹک سے تعلق رکھنے والے تحریک انصاف کے رہنما رانا محمد لیاقت سینئر نائب صدر تحریک انصاف ضلع اٹک، تحصیل جنڈ سے تحریک انصاف کے رہنماملک نوید کو ضلعی جنرل سیکرٹری،ظہیر احمد اورمحمد اشفاق نائب صدر،ملک سعد خان ایڈیشنل جنرل سیکرٹری،

سید گوہر ڈپٹی جنرل سیکرٹری جنڈ،ملک جابر حیات ڈپٹی سیکرٹری جنرل پنڈی گھیب، بلال خان ڈپٹی جنرل سیکرٹری فتح جنگ، ثاقب خان ڈپٹی جنرل سیکرٹری حسن ابدال،عنصر رحمن ڈپٹی جنرل سیکرٹری حضرو،ملک امجد الطاف ڈپٹی جنرل سیکرٹری تحصیل اٹک، عمران خان انفارمیشن سیکرٹری جبکہ محمد اقلیم کو سیکرٹری فنانس مقرر کیا گیا ہے۔