الخدمت فاونڈیشن اٹک مشکل وقت میں عوام کی خدمت کیلئے کوشاں

اٹک ( ڈیلی اٹک نیوز) الخدمت فاونڈیشن اٹک اس مشکل گھڑی میں مستحق افراد کو تنہا نہیں چھوڑے گی۔

 مخیر حضرات ہر ممکن تعاون کریںتاکہ ضلع بھر میں غریب نادار اور مستحق لوگوں تک امدادی پیکج پہنچ سکےان خیالات کا اظہار انچارج الخدمت فاونڈیشن اٹک ندیم عباسی نے میڈیا سے بات چیت کرتے ہوئے کیا انہوں نے کہا کہ اس بیماری کی وجہ سے جو حالات ہمارے اوپر آئے ہیں ان حالات میں دیہاڑی دار، نادار اور مستحق افراد کا گزر بسر بہت مشکل ہو چکا ہے۔

 الخدمت فاونڈیشن ان افراد کی ہر ممکن مدد کرے گی انہوں نے کہا کہ مستحق افراد کو راشن اور امدادی پیکج گھر گھر پہنچایا جائے گا کوئی بھی مستحق دفتر نہ آئیں ہم خود محلے کی 

سطح پر راشن تقسیم کریں گے مشکل کی اس گھڑی میں اہل ثروت اور مخیر حضرات آگے آئیں اور ہمارا دست و بازو بنیں تاکہ کوئی مستحق امدادی پیکج سے رہ نہ جائے ۔