Mon
27
Apr
2026
حریت کانفرنس کی طرف سے بھارتی فوج کے سربراہ اور بی جے پی لیڈر کے بیانات کی شدید مذمت
بھارتی ریاستی دہشت گردی پر عالمی برادری کی خاموشی سے بھارت کی حوصلہ افزائی ہو رہی ہے
سرینگر30جنوری (کے ایم ایس )مقبوضہ کشمیرمیں کل جماعتی حریت کانفرنس نے کہاہے کہ بھارت کا دنیا کا سب سے بڑا جمہوری ملک ہونے کا دعویٰ ایک مذاق بن کر رہ گیا ہے کیونکہ بھارت سیاسی قیادت سے لیکر عسکری قیادت تک ایک فسطائی ملک بن گیا ہے ۔ کشمیرمیڈیاسروس کے مطابق حریت کانفرنس کے ترجمان نے ان خیالات کا اظہار بھارتی فوج کے سربراہ جنرل بپن راوت اور بی جے پی کے لیڈر دیوندر رینا کی طرف سے شوپیاں میں نہتے کشمیریوں کے قتل کو جائز قراردینے اورکالے قانون آرمڈ فورسز اسپیشل پاورز ایکٹ کے تحت نہتے کشمیریوںکے قتل عام کی کھلی چھوٹ پر ردعمل ظاہر کرتے ہوئے کیا۔ انہوںنے کہاکہ بی جے پی لیڈر مجرمانہ اور انتہا پسند انہ ہندوذہنیت کا مالک ہے اورجس طرح اس نے بھارتی فوج کے ظلم و بربریت اور سفاکیت کی تائید اور توثیق کی ہے، اس سے کشمیر بارے بھارتی سیاسی وفوجی قیادت کے ارادے صاف ظاہر ہیں کہ وہ کسی بھی کشمیری کو زندہ دیکھنا نہیں چاہتے ہیں۔ ان کو صرف کشمیر کی زمین سے دلچسپی ہے، جس پر وہ اپنا ناجائز قبضہ ہر قیمت پر جاری رکھنا چاہتے ہیں۔ بھارتی فوجی سربراہ کے بیان کہ ابھی کالے قانون آرمڈ فورسز اسپیشل پاورز ایکٹ کی ضرورت پر ردِ عمل ظاہر کرتے حریت ترجمان نے کہا کہ کالے قانون کی آڑ میں یہ لوگ کشمیرمیںنہتے کشمیری نوجوانوں کا قتل عام کرکے اپنے مسلمان دشمن ذہنوں کو تسکین فراہم کررہے ہیں اور یہ کشمیریوں کے قتل عام کو بھارت کی خدمت سمجھتے ہیں ۔انہوںنے کہاکہ مقبوضہ کشمیر میں تعینات بھارتی فوج نہتے کشمیریوںکے قتل وغارت گری کا بازارگرم رکھنا چاہتی ہے ، وہ کسی اخلاقی ضابطے کی پابند ہے اور نہ وہ اس سلسلے میں عالمی سطح پر تسلیم شدہ قوانین کا کوئی احترام کرتی ہے۔ انہوںنے واضح کیاکہ بھارتی فوج کے سربراہ اور بی جے پی لیڈر کے بیان سے واضح ہوتا ہے کہ بھارت کی سیاسی اور عسکری قیادت مقبوضہ علاقے میں ہر کشمیر ی کوقتل کردینا چاہتی ہے انہیں صرف کشمیر کی زمین چاہیے ۔ انہوںنے کہاکہ ایسی دھمکیوں سے ہم ماضی میں مرعوب ہوئے ہیں اور نہ مستقبل میں ان کا کوئی اثر ہوگا۔ فوجی سربراہ اور پی جے پی لیڈر نے ایسا بیان دیکر صرف اپنی شخصیت کو بے نقاب اور اپنی سطحی ذہنیت کا ثبوت دیا ہے۔انہوںنے افسوس ظاہر کیاکہ مقبوضہ علاقے میں بھارتی فورسز کی طرف سے انسانی حقوق کی سنگین پامالیوں اور نہتے کشمیریوں کے خلاف بھارتی ریاستی دہشت گردی پر عالمی برادری کی خاموشی سے بھارت کی حوصلہ افزائی ہو رہی ہے
سرینگر30جنوری (کے ایم ایس )مقبوضہ کشمیرمیں کل جماعتی حریت کانفرنس نے کہاہے کہ بھارت کا دنیا کا سب سے بڑا جمہوری ملک ہونے کا دعویٰ ایک مذاق بن کر رہ گیا ہے کیونکہ بھارت سیاسی قیادت سے لیکر عسکری قیادت تک ایک فسطائی ملک بن گیا ہے ۔ کشمیرمیڈیاسروس کے مطابق حریت کانفرنس کے ترجمان نے ان خیالات کا اظہار بھارتی فوج کے سربراہ جنرل بپن راوت اور بی جے پی کے لیڈر دیوندر رینا کی طرف سے شوپیاں میں نہتے کشمیریوں کے قتل کو جائز قراردینے اورکالے قانون آرمڈ فورسز اسپیشل پاورز ایکٹ کے تحت نہتے کشمیریوںکے قتل عام کی کھلی چھوٹ پر ردعمل ظاہر کرتے ہوئے کیا۔ انہوںنے کہاکہ بی جے پی لیڈر مجرمانہ اور انتہا پسند انہ ہندوذہنیت کا مالک ہے اورجس طرح اس نے بھارتی فوج کے ظلم و بربریت اور سفاکیت کی تائید اور توثیق کی ہے، اس سے کشمیر بارے بھارتی سیاسی وفوجی قیادت کے ارادے صاف ظاہر ہیں کہ وہ کسی بھی کشمیری کو زندہ دیکھنا نہیں چاہتے ہیں۔ ان کو صرف کشمیر کی زمین سے دلچسپی ہے، جس پر وہ اپنا ناجائز قبضہ ہر قیمت پر جاری رکھنا چاہتے ہیں۔ بھارتی فوجی سربراہ کے بیان کہ ابھی کالے قانون آرمڈ فورسز اسپیشل پاورز ایکٹ کی ضرورت پر ردِ عمل ظاہر کرتے حریت ترجمان نے کہا کہ کالے قانون کی آڑ میں یہ لوگ کشمیرمیںنہتے کشمیری نوجوانوں کا قتل عام کرکے اپنے مسلمان دشمن ذہنوں کو تسکین فراہم کررہے ہیں اور یہ کشمیریوں کے قتل عام کو بھارت کی خدمت سمجھتے ہیں ۔انہوںنے کہاکہ مقبوضہ کشمیر میں تعینات بھارتی فوج نہتے کشمیریوںکے قتل وغارت گری کا بازارگرم رکھنا چاہتی ہے ، وہ کسی اخلاقی ضابطے کی پابند ہے اور نہ وہ اس سلسلے میں عالمی سطح پر تسلیم شدہ قوانین کا کوئی احترام کرتی ہے۔ انہوںنے واضح کیاکہ بھارتی فوج کے سربراہ اور بی جے پی لیڈر کے بیان سے واضح ہوتا ہے کہ بھارت کی سیاسی اور عسکری قیادت مقبوضہ علاقے میں ہر کشمیر ی کوقتل کردینا چاہتی ہے انہیں صرف کشمیر کی زمین چاہیے ۔ انہوںنے کہاکہ ایسی دھمکیوں سے ہم ماضی میں مرعوب ہوئے ہیں اور نہ مستقبل میں ان کا کوئی اثر ہوگا۔ فوجی سربراہ اور پی جے پی لیڈر نے ایسا بیان دیکر صرف اپنی شخصیت کو بے نقاب اور اپنی سطحی ذہنیت کا ثبوت دیا ہے۔انہوںنے افسوس ظاہر کیاکہ مقبوضہ علاقے میں بھارتی فورسز کی طرف سے انسانی حقوق کی سنگین پامالیوں اور نہتے کشمیریوں کے خلاف بھارتی ریاستی دہشت گردی پر عالمی برادری کی خاموشی سے بھارت کی حوصلہ افزائی ہو رہی ہے