حکومت مہنگائی کا خاتمہ یقینی بنانے کیلئے پر عزم ہے ،اشفاق خان

حضرو(ڈیلی اٹک نیوز) پاکستان تحریک انصاف کے سینئر رہنما و چیف کوآرڈینیٹر اشفاق خان نے کہا ہے کہ حکومت مہنگائی کا خاتمہ یقینی بنانے کیلئے پر عزم ہے قوم صبر سے کام لے ان شاء اللہ وطن عزیز پر چھائے مایوسی کے بادل جلد ختم ہو جائیں گے۔

 ان خیالات کا اظہار انہوں نے صحافیوں سے گفتگو کرتے ہوئے کیا انہوں نے کہا کہ چند مفاد پرست عناصر ملک میں مہنگائی بحران پیدا کر کے حکومت کے خلاف سازشوں میں مصروف عمل ہیں لیکن انہیں مایوسی کے سوا کچھ نہ ملے گا انہوں نے کہا کہ موجودہ مہنگائی بحران پر قابو پانے کیلئے وزیر اعظم بڑا اعلان کرنے جا رہے ہیں۔

 ہمیں یقین ہے کہ حکومت قوم کو ریلیف دینے کیلئے ہر ممکن کوشش کریگی انہوں نے امید ظاہر کی کہ پی ٹی آئی کی حکومت ملکی ترقی میں اہم کردار ادا کر رہی ہے ان شاء اللہ وطن عزیز بحرانوں سے نکل کر ترقی کی ڈگر پر چل پڑے گا ۔